Harytlar demir ýol ulag serişdelerinde daşalanda içerki gümrük üstaşyrynyň aňryçäk möhletini içerki gümrük üstaşyryna rugsat alnan gününden şu aýratyn halatlarda ýigrimi gün diýip bellenildi:

• harytlar Türkmenistanyň gümrük çäginden alnyp gidilende, serhetleşýän goňşy döwletiň kabul edip ýetişmeýändigi ýa-da deňiz gämileriniň daşap ýetişmeýändigi sebäpli demir ýol ulag serişdeleriniň Türkmenistanyň serhetýaka demir ýol bekedinde kadadan artyk toplanan ýagdaýlarynda;
• harytlar Türkmenistanyň gümrük çägine getirilende, ýük alyjynyň düşürip ýetişmeýändigi sebäpli, demir ýol ulag serişdeleriniň barylmagy bellenilen demir ýol bekedinde kadadan artyk toplanan ýagdaýlarynda;
• awariýa ýa-da öňüni alyp bolmajak güýjüň täsiri netijesinde demir ýoluň abatlaýyş, arassalaýyş işleri geçirilýän ýagdaýlarynda;
• demir ýol beketlerinde saýlama-jemleme işleri ýerine ýetirilende, doly hereketli otly düzümini düzmek üçin demir ýol ulag serişdeleriniň kada laýyk möçberini toplamak maksady bilen, olaryň adaty möhletinden artyk saklanan ýagdaýlarynda.