2025-nji ýylyň 2-nji we 3-nji sentýabry aralygynda Türkmenistanyň Döwlet gümrük gullugynyň ýanyndaky Okuw merkezinde bikanun deňiz söwdasyna degişli meseleleriň hukuk taýdan düzgünleşdirilmegi boýunça okuw çäresi geçirilýär. Çäre, Birleşen Milletler Guramasynyň Neşeler we jenaýatçylyk baradaky müdirliginiň Owganystan, Merkezi Aziýa, Eýran we Pakistan boýunça Sebitleýin merkezi bilen hyzmatdaşlykda geçirildi. Bu çäre Türkmenistanyň Döwlet gümrük gullugynyň ýanyndaky Okuw merkeziniň sebitleýin derejesine eýe bolandan soň ilkinji halkara çäredir.

Okuw çäresi Türkmenistanyň Milli howpsuzlyk, Içeri işler we Goranmak ministrlikleriniň, Döwlet gümrük we serhet gulluklarynyň we Baş prokuraturasynyň wekilleri hem-de Gazagystan Respublikasynyň degişli wekiliýeti üçin guraldy.     

Okuwyň maksady gatnaşyjylary halkara deňiz hukuklaryny üpjün etmek boýunça degişli resminamalar we amallar bilen tanyşdyrmak we olaryň ýerine ýetirilişi boýunça tehniki ýardamy bermek bolup durýar.

Bu çäre, Okuw merkeziň hünärmenleri taýýarlamak, olaryň hünär başarnyklaryny ösdürmek we tejribe alyşmakdaky täzeçil çemeleşmesini ygrarlylygyny görkezýär. Ol sebitleýin howpsuzlygy berkitmekde ähmiýetli bolman, döwlet edaralarynyň hem-de halkara hyzmatdaşlaryň arasynda netijeli gatnaşygy ösdürmäge uly goşant goşýar.