Habar

«Türkmendemirýollary» agentligi Russiýada öndürilen kuwwatly magistral teplowozlaryň bäşisini satyn aldy. Brýansk maşyngurluşygy zawodynyň («Трансмашхолдинг» PJ) hünärmenelriniň taýýarlaýan ýük otlulary, çylşyrymly ýollarda, agyr howa şertlerinde ulanmaga niýetlenenedir. Olar ýük daşaýan we ýolagçy gatnadýan «Türkmendemirýollary» agentliginiň AGPJ-niň lokomotiwleriniň hataryna goşular.

2020-nji ýylyň oktýabr we noýabr aýlarynda «Demirýollary» AGPJ-sy bilen «Трансмашхолдинг» PJ-niň arasynda baglaşylan şertnamalara laýyklykda, 2021-nji ýylyň oktýabrynda Türkmenistana Russiýada öndürilen ТЭП70БС ýolagçy otlusy we 2ТЭ25КМ magistral ýük otlusy getirilipdi.