Gümrük habarlary

Döwlet gümrük gullugynyň türgenleri Kazan şäherinde geçirilen dünýä çempionatynyň ýeňijileriniň hatarynda
29 Okt
Döwlet gümrük gullugynyň türgenleri Kazan şäherinde geçirilen dünýä çempionatynyň ýeňijileriniň hatarynda

Döwlet gümrük gullugynyň türgenleri 26-27-nji oktýabrda Russiýa Federasiýasynyň Kazan şäherinde erkekleriň we zenanlaryň arasynda nusgawy hem-de erkin görnüşlerde guşakly göreş boýunça geçirilen dünýä çempionatynda gowy netije görkezdiler.  

Türgenlerimiz Zuhra Madraimowa (58 kg.) altyn medala we Begenç Ýagmyrow kümüş medala mynasyp boldular.  

Nusgawy hem-de erkin görnüşlerde guşakly göreş boýunça geçirilen dünýä çempionatyna 40 sany ýurtdan 200-e golaý türgenler gatnaşdy: Azerbajandan, Rumyniýadan, Gresiýadan, Bolgariýadan, Gazagystandan, Özbegistandan we başgalar.

Türgenlerimizi ýeňişleri bilen gyzgyn gutlaýarys. 

Sport bilen meşgullanmaga giň mümkinçilikleri döredip beren Hormatly Belent Serkerdebaşymyza köp sagbolsun aýdýarys.