28.05.2021

Daşoguz welaýat gümrükhanasynyň edara binasynyň mejlisler zalynda harby gullukçylarynyň we Telekeçiler birleşmesiniň Daşoguz welaýat agzalarynyň gatnaşmagynda ýurdumyzda eksporta gönükdirilen harytlary öndürýän hususy kärhanalary we telekeçileri höweslendirmek, olaryň bähbitlerini goramak we harytlarymyzyň daşary ýurt bazarlarynda bäsleşige ukyplylygyny ýokarlandyrmak, şeýle hem eksport edijilere goldaw bermek arkaly eksportyň möçberlerini artdyrmak maksady bilen, 2021-nji ýylyň maý aýynyň 21-ne işewürlik maslahaty geçirildi.

26.05.2021

Türkmenistanyň Prezidentiniň ýurdumyzy 2019-2025-nji ýyllarda durmuş-ykdysady taýdan ösdürmegiň Maksatnamasyny ýerine ýetirmek maksady bilen Mary welaýatynyň Sakarçäge etrabynyň Akýap daýhan birleşiginiň çäginde “Mähriban obam” hususy kärhanasy tarapyndan ýyladyşhana guruldy. Ýyladyşhanada ekinleri ekmekden, olary ösdürip ýetişdirmekden we ideg etmekden başlap , işgärleriň zähmetini guramaga çenli önümçilik işleriniň dolandyrylyşy sanly ulgam arkay amala aşyrylýar. Ýylylygyň, çyglylygyň, hasyllylygyň görkezijileri, hasylyň ýyglanan möhleti taýýar önümiň ulag serişdesine ýüklenendigi, onuň içerki we daşarky bazarlara ugradylandygy, ulagly alnyp barylýan wagtynda saklanyş şertleri hem-de paýlanylyşy baradaky maglumatlar onlaýn görnüşde merkezleşdirilen dolandyryş ulgamyna gelip gowuşýar.

25.05.2021

2021-nji ýylyň 24-nji maýynda Türkmenistanyň Döwlet gümrük gullugy bilen Eýran Yslam Respublikasynyň Gümrük müdirliginiň wekilleriniň arasynda göni wideoaragatnaşyk arkaly iş duşuşyk geçirildi. Bu duşuşykda taraplaryň arasynda gümrük maglumatlaryny elektron görnüşde alyşmak barada Özara düşünişmek hakynda Ähtnamanyň esasynda taýýarlanylan Tehniki şertleriň taslama resminamasy bilen bagly meseleler ara alnyp maslahatlaşyldy.

24.05.2021

Hormatly Prezidentimiziň taýsyz tagallary netijesinde Türkmenistan diýarymyzyň at-abraýy dünýä ýaň saldy. Ýurdumyzyň ilatynyň ýaşaýyş durmuş şertleri, döwletimiziň ykdysady pudagy belent sepgitlere ýetirildi. Baky we Berkarar döwletimiziň ykdysadyýeti dünýä halklarynyň arasynda ösüşlere eýe boldy. Şunuň bilen baglylykda milli ykdysadyýetimiziň ösüşinde oba hojalyk toplumynyň hem orny bar. Ýurdumyzda ösdürilip ýetişdirilýän oba hojalyk harytlary diňe bir ýurdumyz üçin däl-de eýsem dünýä bazarlarynda hem uly islege eýe bolýarlar. Munuň esasy sebäbi hem Hormatly Prezidentimiz tarapyndan alnyp barylýan döwlet syýasatynyň esasy wezipeleriniň biri hem oba hojalyk önümleriniň öndürilişini artdyrmaga, ýurdumyzyň ykdysady kuwwatyny pugtalandyrmaga, halkymyzyň ýaşaýyş-durmuş şertlerini has-da ýokarlandyrmaga gönükdirilendigindendir.

07.05.2021

Hormatly Prezidentimiziň başlangyçlary bilen ýurdumyzda parahatçylyk söýüjilik hem-de netijeli halkara hyzmatdaşlyk ýörelgelerine esaslanýan daşary syýasatyny berkitmäge, dünýä döwletleri we abraýly halkara guramalary bilen dostlukly, hoşniýetli goňşuçylykly hem-de umumy bähbitli hyzmatdaşlygy ösdürmäge gönükdirilen işler yzygiderli üstünlikli durmuşa geçirilýär. Türkmenistanyň Döwlet gümrük gullugy bilen sebitdäki döwletleriň gümrük edaralarynyň arasynda, ýurdumyzyň gümrük serhedinden geçirilýän harytlar we ulag serişdeleri babatda elektron görnüşde deslapky maglumatlary alyşmagy guramak hakynda ylalaşyklar hem, munuň aýdyň mysallarynyň biridir.

29.04.2021

Türkmenistan ýod çykarmak boýunça dünýäde ilkinji orny eýeleýär, bu bolsa eksport ugry bilen himiýa pudagynyň mundan beýläk-de ösmegi üçin zerur şertleri döredýär. Ýurdumyzyň günbatar sebitinde minerallaryň uly mukdary bolan - nebit we gaz, ýod we brom önümlerine baýdyr. "Türkmenistanyň Prezidentiniň ýurduň sosial-ykdysady ösüşi üçin 2018-2024-nji ýyllar üçin Maksatnamasynyň" çäginde "Türkmenhimiýa" döwlet konserniniň işleýän “Hazar” we “Balkanabat” zawodlarynyň esasynda täze mümkinçilikleri döretmek göz öňünde tutulýar.